Sunday, October 28, 2018

නසෘදීන් සහ ශ්‍රී ලංකාවේ දේශපාලනය!!!

නසෘදීන් සහ ශ්‍රී ලංකාවේ දේශපාලනය!!!

ලාමක මිනිස් හැසිරීම් පෙන්වන දේශපාලන පිටිය??


ශ්‍රී ලංකා ඉතිහාසයේ පලමු වරට ජනාධිපති විසින් බලයෙන් පහ කරන ලද අගමැති වරයා, ව්‍යවස්ථා තරක ඉදිරිපත් කරමින් ධූරයේ රැඳී සිටින බව ප්‍රකාශ කරයි. මෙය නෛතික කෝනයෙන් සොයා බැලීමට අපට අයිතියක් නැත ඒ අප නීති විශාරදයින් නොවනා බැවිනි.

එහෙත් යුක්තියේ සාධාරණයේ ඇසින් එය විග්‍රහ කිරීමට බාධාවක්ද නැත.

මේ සිදුවීම දකිද්දී මට මෑතක එක්තරා ෆේස් බුක් ගෲපයක් කියැවූ නසෘදීන් ගේ කථාවක් සිහියට නැගුනි.

නසෘදීන් දිනක් තම මිතුරෙකු සොයා ගොස් තමාට ලොකු මුට්ටියක්  ටික දිනකට ලබා දිය හැකිදැයි විමසුවේලු.
මිතුරා ඔහුගේ ඉල්ලීම ඉටු කල බැවින් මිතුරාට ස්තුති කල නසෘදීන් මුට්ටියද රැගෙන ගියේය.

දින කිහිපයකින් මිතුරා හමුවට ගිය නසෘදීන්, මිතුරාගේ මුට්ටිය ඔහුට පෙරලා භාරදී තවත් කුඩා මුට්ටියක්ද ඔහුට දුන්නේලු. මේ මොකදැයි මිතුරා විමසූ විට නසෘදීන් ගේ පිළිතුර වූයේ " මා ලඟ තිබුයදී මේ මුට්ටිය පැටවෙකු දැම්මා. මුට්ටිය ඔබේ නිසා පැටවාත් සමගම ආපසු භාර දෙනවා" යන්නයි.මිතුරාට් ස්තුති කල නසෘදීන් යන්නට ගියේය.

ටික දිනකින් ආයේ පැමිණි නසෘදීන් මිතුරාගෙන් ලොකු මුට්ටිය දින කිහිපයකට ඉල්ලා ගෙන ගියේය.
මෙවර මිතුරා බොහෝ දිනක් බලා සිටියත් නසෘදීන් මුට්ටිය රැගෙන යලි ආවේ නැත.
අවසානයේ මිතුරා නසෘදීන් සොයා ගියේය.

මිතුරා දුටු නසෘදීන් කනගාටු දායක ලෙසින් ඔහු වෙත පැමින, මට ඔබට කියන්නට කනගාටු දායක පුවතක් තියෙනවා, මා ලඟ තිබියදී ඔබගේ මුට්ටිය මිය ගියා. ඒ ගැන කෙසේ ඔබට කියන්නදැයි මා සිතමින් සිටියේ කියා කීවේය.

උරණ වූ මිතුරා" ඔබ වංචා කරනවා, මුට්ටියක් මිය යන්නේ කෙසේද" යි විමසා සිටියේය.

පිළිතුරු ලෙස නසෘදීන් " එදා මුට්ටිය පැටවෙකු දැමුවායැ‍යි කී විට ඔබ ඒ ගැන විමතියට පත් වූයේ නැහැ නේද? ඔබ පැටවාවත් භාර ගත්තා නේද? එසේනම් දැන් මැරුණා යැයි කීවිට මා වංචා කරුවෙකියි පවසන්නේ ඇයිදැයි" විමසුවේය.

තමන්ට වාසි වන විට නීතිය යුක්තිය අමතක කිරීමත්
තමාට අවාසි සහගත විට නීතිය යුක්තිය කථා කිරීමත් මිනිස් ස්වභාවය වේ.

ලංකාවේ දේශපාලන භූමිය තුල අද අපි දකින්නේ මෙයම නේද?

8 comments:

  1. Superb stuff mate, 100% applicable to most of the political morons who use this kind of lame logics.

    ReplyDelete
  2. සිංහලයෙක්ට එජාපෙට පක්ෂවීමට හේතු ලෙස දැක්විය හැක්කේ එජාපය ආර්ථිකය දියුනුකරනවා යන කරුණ පමණයි.
    නමුත් එජාපය කරන එකම දෙය ලෝක බැංකු නියෝජිතයන්ගේ නිර්දේශ ක්‍රියාත්මක කිරීම පමණයි.

    එසේම ඉකොනොමැට්ටා තුමා කියන හැටියට කවුරු ආවත් කරන්නේ එජාප ආර්ථික වැඩපිලිවෙලමයි. එමනිසා සිංහලයෙක්ට එජාපයට සහයදීට කිසිම හේතුවක් නෑ

    ReplyDelete
    Replies
    1. සිංහලයෙකුට සිංහලයෙකු වශයෙන් එජාපයට පක්‍ෂ වීමට හේතුවක් නැත. හේතුව වර්තමාන එජාපය සිංහල විරෝධී වීමයි. දෙමළෙකුට දෙමළෙක් වශයෙන් දෙමළ විරෝධී විය හැකිද ?

      Delete
    2. කවුරු ආවත් කරන්නේ එජාප ආර්ථික වැඩපිළිවෙලමය යන මතය ඉකොනොමැට්ටාගේ හෝ කාගේ වේවා මා එය ට එකඟ නැත.
      නූතන එජාප ප්‍රතිපත්තිය පූර්ණ ලෙස පරගැතිය. ආදායම් ඉපයීමේ ක්‍රමය විකුනාගෙන කෑමය.
      එදා චන්ද්‍රිකා දවස ශ්‍රීලනිප ආර්ථික ප්‍රතිපත්තිය එජාප ප්‍රතිපත්තියම වූ බව නම් ඇත්තකි.
      විදෙස්ගැති ආර්තික ප්‍රතිපත්තියන් දැන් එලියට ආයුතු යුගය එලැඹ ඇත.

      කථා කතු තුමාගේ අදහස හා එකඟ වෙමි, සිංහලයෙකුට එජාපයට චන්දය දීමට හේතුවක් නැත.
      එහෙත් එක්තරා සිංහලයින් පිරිසකට හෙතුවක් ඇත. ඒ ඔවුන්ගේ රුධිරයේ වර්ණය යැයි ඔවුන් සිතා සිටින වර්නය නිසාම පමණි (Green Blood)

      Delete
  3. ඔබ ඉදිරිපත් කරන කතාවේදී මා ගන්නේ නස්රුදීන් ගේ මිත්‍රයාගේ පැත්තයි. ඒ මනුෂ්‍යයා නස්රුදීන්ගේ එක අමන කමක් ඉවසා සිටියේය. එකක් ඉවසා සිටියා කියා දෙවන එකත් ඉවසා සිටිය යුතුද ?
    ඉවසීමට සීමාවක් තිබේ !

    ReplyDelete
    Replies
    1. සම්පූර්ණ ඇත්ත, එකක් ඉවසුවා කියා දෙකක් ඉවසිය යුතු නැත.
      තමාට වාසි වන විට ඉවසීමත් අවාසි වනවිට සටන් වැදීමත් අපූරු සංකල්පයකි.
      එහෙම නේද?

      Delete