Sunday, February 11, 2018

මගරගමදී මොක්ද වුනේ......?


පලාත් පාලන මැතිවරනය කැඳවූ දිනයේ සිටම විවිදාකාර අනාවැකි විග්‍රහ ආදියෙන් බ්ලොග් පිටු පිරීගියේය.

බ්ලොග් කරුවන් අතර විශ්වාසයක් දිනා ගත් බ්ලොග් කරුවකු වන ඉකොනොමැට්ටා කවදත් දත්ත විශ්ලේෂනයට හා තර්කානුකූල මත වාද ඉදිරිපත් කිරීමට මනා පරිචයක් දක්වන්නේක් ලෙස ප්‍රකටය. මෙවර මැතිවරනය පාදක කරගෙන ඔහු විසින් ප්‍රථිපල ගනනය කරනා ආකාරය පිළිබඳ සියල්ලන් දැනුවත් කරමින් ලියූ ලිපියෙහි ප්‍රතිචාර ලෙස ඇනෝ වරයෙකු කියා තිබුනේ එ.ජා.ප. යේ නිල පුවත් පත කියෙව්වා වැනි හැඟීමක් ලද බවයි. මාද එය අනුමත කලෙමී හේතුව එදී ඔහු විසින් කරනු ලැබූ සියලුම අනුමාන එජාපයේ ජයග්‍රහනය මත පදනම්වම බැවිනි.

එහෙත් එයින් ඒ බ්ලොග් සටහන මගින් ගෙන ආ දැනුමට බාධාවක් නම් නොවුනේය.

එසේම තවත් අපේ ප්‍රිය බ්ලොග් රචකයන් බොහෝ දෙනෙකු මෙවර එ.ජා. ප. යේ පහසු ජයක් ගැන බලාපොරොත්තු තබමින් බොහෝ දෑ ලියා තිබුනේය.

මෙවර මා එකම එක අනාවැකියක් පමණක් දෙතිස් කථා බ්ලොගයේ මෙය සත්‍ය නොවේවා කියා පැතුමක් සමග සටහන් කොට තැබුවෙමි. ඒ අනාවැකිය මාගේ පැතුම විලසින්ම සත්‍ය නොවුනි. මා පමණක් නොව බොහෝ දෙනා විශ්වාස කල පරිදි ඡන්දයේ අවසන් ප්‍රථිපලයට බලපෑමක් කරන ආන්දෝලනාතමක ක්‍රියාවක ජනාදිඅපති වරයා නියැලුනේ නැත. නිහඬ කාලය නිහඬවම ගෙවී ගියෙය.

එයට අමතරව පලාත් මැතිවරණය ගැන ඉකොනොමැට්ටා ලියූ දෙවැනි ලිපියේදී මා තවත් අනුමානයක් කලේමි, එනම් එ.ජා. ප. යට තට ගත් දේ කටට දමා ගැනීමේ හැකියාවක් නැති බවයි. එය සනාත වී ඇත.

මේ සමස්ත මැතිවරන ක්‍රියා වලිය තුලම බොහෝ දෙනා නොදුටු කාරනය වන්නේ එජාපය විසින් පාවෙන ඡන්ද පදනම නොතකා හැරි ආකාරයයි.

2015 චන්ද සටනේදී එජාපය ප්‍රමුඛ කණ්ඩායම ඍජුවම පැවතු රජයට දූශණ චෝදනා එල්ල කලේය. එවිට මා විමසා සිටියේ ඔවුන් දූශනයෙන් තොර වන බවට සහතිකයක් දී තිබේද කියායි. කිස්දු දිනෙක අපි දූශනයෙන් තොර රජයක් පිහිටුවීමට කැපවනවා යන ප්‍රකාශයක් නොකිරීමට එදාද එම මැතිවරණ ව්‍යාපාරය තුල ඔවුන් ප්‍රවේශම් විය.
එය ඉකමවා  යමින් ජනවාරි 8 වැනිදා දූශන විරෝධී යහපාලනය වෙනුවෙන් ඡන්දය දුන් උදවියගේ සුලඟිල්ලේ තීන්ත පැල්ලම මැකී යන්නටත් පෙර මහ බැංකු බැඳුම්කර මගඩිය සිදු විය.

2015 ජනපති වරනයේ තීරනාත්මක සාදකයක් වූ 2012න් පසු ඡන්ද අයිතිය දින්නගත් තරුණ පිරිස යුද්ධයේ අමිහිරි මතකයන් ගැන එතරම් සංවේදී නොවීය අවුරුදු 20-22 තරුණයින්ට අවුරුදු 6කට පෙර සිදු වූ යුද්ධය යනු ඔවුන් කුඩාකල අතීතයේ කථාවකි. ඔවුන් ඊට වඩා 

  • අළුතින් රටට ඒමට නියමිත යුරෝපීය මෝටර් රථ කර්මාන්ත ශාලා ගැන සිහින මැවූහ.
  • නොමිලේ ලැබීමට යන වයි ෆයි පහසුකම නිසා සාක්කුවේ ඉතිරි වන මාසයකට රුපියලි 100-200 ක මුදල ගැන බලා පොරොත්තු තැබූහ.
  • විදෙස් ආයෝජනයෙන් අළුත් රැකියා බිහිවීම ගැන සිහින දැක්කෝය.
  • අම්මා විසින් ඉල්ලාගෙන බැංකුවේ තැබූ කරේ තිබුනු මාලය පොලී නොගෙවා ඇය නැවත බේරා දෙනු ඇතැයි සිහින මැවූහ.
  • ණය වී ගත්මෝටර් ස්යිකලය වෙනුවට මරුටියක්වත් ගත හැකියැයි සිහින මැවූහ.
  • රාජපක්ෂ උන්නැහේ පිටියට යාම නිසා හැමදාම පරදින ක්‍රිකට් ෆයිනල් මැච් දිනාගත හැකියැයි ෆැන්ටසි මැවූහ.


එහෙත් මැතිවරණයෙන් හයමසක් ගත වෙත්දී ඔවුන් ගොනාට ඇන්දවූ බව වටහා ගතහ. අම්මා තාත්තාට ලොකු කථා කියමින් අපේ කාලයට ගැලපෙන දේශපාලන භාවිතාව එජාපයයැයි කියා චන්දය දුන් තරුණ පිරිස වැඩිහිටියන්ගේ පැසුනු බව ඉදිරියේ කුජීත වූහ.

අන්න ඒ ලෙසින් එ.ජා.ප.යට පක්ශ වූ තරුණ බලය ගිලිහී ගියේය. එසේම 2015 ට 2018 දක්වා අළුතින් එකතු වූ තරුණ චන්ද කෙලින්ම එජාප විරෝධී මතයකට තල්ලු විය.

එ.ජා.පය දිනනවායැයි සැහැල්ලුවෙන් ගනන් හැදූ අයට මේ සාධක සලකා බැලීම අතපසුවීමකින් හෝ වුවමනාවෙන් මග හැරී තිබුනි.

බයියන් හා වහලුන්.
රාජපක්ෂ කඳවුර කෙරෙහි පක්ෂ වන්නවුන් එජාපය ප්‍රමුක බල වේග  හා ඩොලර් මත යැපෙන NGO නඩය විසින් හඳුන්වනුයේ බයියන් හා වහලුන් ලෙසිනි.

මේ වහල් මානසිකත්වය අප මැනැවින් දුටුවේ මෙවර එ.ජා.ප. ප්‍රචාරනය තුලිනි.
එජාප ය ඍජුවම ආරාධනා කලේ "අපි යූඑන්පී. අපි අපේ පක්ශය රැක ගනිමු. එය අපගේ යුතුකමයි" කියා ප්‍රචාරය කරමිනි.
එහෙත් වත්මන් පරපුරෙහි බහුතරයක් අපි එජාපය දිනවිය යුත්තේ ඇයි ? කියන පැනය ඇසීමට මැලි නොවෙති. මේ වහල් මානසිකත්වයෙන් අපි යූ එන් පී කියන මතයෙන් චන්දය දෙන්නන් යනු වඳවෙමින් පවතින කොට්ඨාශයකි.

එසේම ශ්‍රීලනිපයද මේ වහල් පිරිසට ආමන්ත්‍රණය කලේය. අපි අපේ ශ්‍රීලනිප ය රැක ගනිමු යන්න ඔවුන්ගේ තේමා පාටය විය. ඔවුනටද ඒ වහල් චින්තනය සාර්ථක වූයේ නැත.

මහරගමදී....
මහරගමට පොහොට්ටුවෙන් ඉදිරිපත් කල ලැයිස්තුව ප්‍රතික්ශේප විය. එය උසාවියෙන් ජයගත හැකියැයි එම කණ්ඩායම විශාල බලා පොරොත්තුවක් තැබීය. ඔවුන් ඒ බව පෝස්ටර් මගින් පවා ජනතාව දැනුවත් කලහ.
එහෙත් එය සාර්ථක නොවී ඉවතට විසි විය.

මහරගම ආසනය තුල පොහොට්ටුව වෙනුවෙන් පෙනී සිටින ප්‍රධාන පුද්ගලයා මහරගම වාසීන්ගේ කැමැත්ත දිනා ගත්තෙකු නොවන විසුලු කාරයෙකි. නගර සභාව මෙහෙයවූ ඔහුගේ බිරින්දෑ ඊට එහා ගිය උද්දච්ච කාන්තාවකි.

අවසානයේ චන්දයට දින දහයකට පමන පෙර, පොදු ජන පෙරමුණ විසින් තීරනය කලේ තම අවලංගුවූ නාම යෝජනාව වෙනුවට මෝටර් සයිකලයකින් අයැදුම් කොට සිටි කණ්ඩායමකට සහය දැක්වීමට. ගෙයින් ගෙට ගොස් දැනුවත් කිරීමට කාලය නොතිබුනු ඔවුන්,  රැස්වීම් මගින් පමණක් ජනතාව දනුවත් කෙරිනි.

ශ්‍රීලනිපයේන් මේම ප්‍රදේශය සංවිධානය කලේ බස්නාහිර මහ ඇමති ඉසුර දේවප්‍රියයි. ඔහු මහරගම නගර සභාවෙහි හිටපු සභාපතිවරයාය. එජාපයෙන් සංවිධායක වූයේ පාටලී චම්පික ඇමති වරයාය. සිංහල බෞද්ධ චන්ද පදනක්මක් සහිත මහරගමට මේ හෙල උරුම නියෝජිතයා එජාපය කල අනගි තෝරා ගැනීමක් විය.

ශ්‍රීලනිපය මගින් පැවැත්වූ මහරගම අවසන් රැලියේදී තවත් අපූරු දෙයක් සිදු වුනේය. සභාව ඇමතූ මහ ඇමති වරයා. මහින්ද රාජපක්ෂ මෝටර් සයිකලයට චන්දය දෙන්නට කී බව එම රැස්වීමට පැමිණ සිටි ශ්‍රී ලංකා කාරයින්ට කීවේය.
එසේම සිරිසේන්ගේ මුහුණටම ජනාධි පති තුමනි ඔබ තුමා එවැන්නක් කලා නම් අපට  හිතට අමාරු නැතැයි කීවේය. ඒ කියන්නේ සිරිසේන යනු පාවා දෙන්නෙකු බව හැමෝම දන්නා බව ඔහු කීවේය.

අවසානයේ කිසිදු ප්‍රධාන පක්ශයක් නොවන මෝටර් සයිකලයක්. කිසිදු ආකර්ශනීය අපේක්ශකයෙකුගෙන් තොරව මුළු මහරගමම ජය ගත්තේය.

මෙයින් අප කියවා ගත යුතු දෙශපාලනයක් ඇතැයි මට සිතේ.

මෙතැනදී පැහැදිලිවම ජනතාව චන්දය ප්‍රකාශ කොට ඇත්තේ වත්මන් ජරය කෙරෙහි අප්‍රසාදයෙන් බව පිළිගත යුතුවේ. ඔවුන් මහින්ද කියන දේ කරන වහලුන් හෝ බයියන් විය නොහැකිය. මන්ද ඔවුන් පසුගිය මැති වරන වලදී මහින්ද පැරදූවන්ය. මෙතැනදී ඔවුන් එජාපයේ වහල් ආමන්ත්‍රනයත් ශ්‍රීලනිපයේ වහල් ආමන්ත්‍රයත් දෙගොල්ලන්ගේ අපි තරහයි දූශන විරෝදී නාටකයත් එක ගොඩට තබා පැරද්වූහ.
රාජ්‍ය බලය සහිත පිලට පමණක් ගම දියුනු කල හැකියැයි කිවූ එජාප මතය නොතකා හැරියේය.
ගම නියෝජනයට ආකර්ශනීය අපේක්ශකයන් නොසෙවූහ

මිනිසුන් චන්දය දුන්නේ මහින්ද කී නිසාමත් නොව,
බිඳ වටී ඇති සංවර්ධනයට  විරෝදය පෑමට.
බොරුවෙන් ගෙනයන පාලනයට විරෝදය පෑමට.
දේශීය සම්පත් විකුනා කෑමට විරෝධය දැක්වීමට
ඉන්දියානු බල පෑමට හා ව්යවස්තා මගඩියකින් රට බෙදීමේ වැඩ පිළිවෙලට විරෝධය පෑමට‍යයි මට සිතෙයි.
අවසාන මොහොතේ එංගලන්තයෙන් පැන නැගුනු රන විරු සාධකයද බලපෑමක් කලා යැයි සිතිය හැකිය.
(දැන් රාජ්‍ය ප්‍රථිපත්තියක් ලෙස සක්‍රීය හමුදා සේවයේ සිටින්නන් හෝ සිටියවුන් විදේශ සේවා වලට අනුයුක්ත කිරීම රජය විසින් වලකාලනු ඇත )

මහින්ද සාධකය දූශන විරෝදී නැත. එජාපයත් එසේම වන අතර දූශන විරෝධී හිත හොඳ චණ්ඩියා වී සිටින සිර්සේන ජනාධි පති වරයා වැජබෙන්නේ හොරු රැලක් වට කරගෙන බව නොදන්නෙකු නැත.
 ඉතින් දූශනය මෙතැන ප්‍රධාන වූ බවක් නොපෙනේ. ඊට වඩා සැලකිය යුතු අනෙක් කරුනු වලට මග පෑදී තිබේ.

එජාපයට අතට ගත් දේ කටට දමා ගැනීමට හැකියාවනම් නැත්තේමය.

5 comments:

  1. මහින්ද සුලග ආවෙ පරක්කු වෙලා වගේ

    ReplyDelete
    Replies
    1. සුළඟක් ආවාද නැද්ද, ඒකේ ප්‍රතිපල මොනවගේද කියලා චන්ද ප්‍රථිපල වලින් නොයෙක් දෙනා නොයෙක් ආකාරයෙන් කියවමින් ඉන්නවා නේද?
      අපි තීන්දු තීරන ගන්න කලබල නොවී ඉඳිමු.

      Delete
  2. සියල්ල කණගාටුදායක අයුරින් අවසන් විය. පිපෙන්නට පළමු සොඳුරු මල් කැකුළ පාපතරයින් විසින් තලා පොඩි කර දැමු බවක් හැඟේ. අහෝ !

    ReplyDelete
    Replies
    1. සිදුවිය හැකිව තිබූ සතුටු දායක අවසානය කෙබන්දක්ද?

      Delete